"Makromarket" Heydər Əliyevin 92-ci ildönümü münasibətilə xeyriyyə tədbiri keçirdi

“Makromart Xırdalan”da Ulu Öndər Heydər Əliyevin anadan olmasının 92-ci ildönümü münasibətilə Xeyriyyə Tədbiri keçirildi.

Ölkə.Az xəbər verir ki, Ulu Öndər, Müasir Azərbaycanın qurucusu və memarı Heydər Əliyevin anadan olmasının 92-ci ildönümü Xırdalanda yerləşən “Makromart” Supermarketində geniş qeyd olunub. “Makromart” rəhbərliyinin təşəbbüsü ilə, Xırdalan şəhərində yaşayan Böyük Vətən Müharibəsi və Qarabağ savaşı veteranlarına, kimsəsiz və xüsusi qayğıya ehtiyacı olan ailələrə “Bayram sovqatı” təqdim edilib.

Daim yüksək keyfiyyət, bol çeşid və sərfəli qiyməti ilə Xırdalanda N:1 olan “Makromart”ın bu aksiyası xırdalanlılar tərəfindən yüksək coşqu və sevgi ilə qarşılanıb. Üzərində Ulu Öndərin şəkli olan xüsusi qablarda paylanılan hədiyyələr tədbirdə ayrı bir həyəcan yaradıb. Tədbirdə çıxış edən “Makromart Xırdalan”ın nümayəndəsi Cavid Əliyev bildirib ki, “Bu gün Azərbaycanda rahat bir şəkildə çalışmaq, inkişaf etmək şansını əldə etmişiksə, bu Ulu Öndərimiz Heydər Əliyevin müdrik daxili və xarici siyasətin bəhrəsidir. Biz sevinir ki, bu gün həmin siyasətcənab Prezidentimiz İlham Əliyevin rəhbərliyi ilə davam etdirilir. Danılmaz həqiqətdir ki, müasir müstəqil Azərbaycanın dinamik inkişafının əsasının qoyulması, sarsılmaz ictimai-siyasi sabitliyin, milli həmrəyliyin təmin olunması məhz Ümummilli lider Heydər Əliyevin adı ilə bağlıdır.

“Makromart Xırdalan” yarandığı gündən etibarən, Ulu Öndərimizin ideyalarını daim başlıca meyar olaraq seçib və qayğıya ehtiyacı olan hər bir vətəndaşımıza yardım etməyi özümüzə borc bilirik”. C.Əliyev sonda qeyd edib ki, bu mövzuda bundan sonra da davamlı olaraq aksiyalar keçirəcəklər.

Ölkə.Az