Hacı Qamət: "Özünü Mehdi elan edən şəxsin psixoloji problemləri var"

"Bu insanlar kimlərisə ətrafına cəlb etmək üçün belə bir addım atırlar"

Bu fikirləri Ölkə.az-a açıqlamasında “Əbu Bəkr” məscidinin imamı, Hacı Qamət Süleymanov deyib. O bildirib ki, özünü imam Mehdi elan şəxsə və ya şəxslərə normal insan kimi baxmır:

"Bu hadisə mənim üçün təəcüblü deyil. Həm şiələrdə, həm də sünnilərdə özünü imam Mehdi elan edən şəxslər çox olub. Bunlar psixoloji problemli insanlardır və yaxud kimlərisə özlərinin ətrafına cəlb etmək üçün belə bir addım atırlar. Bundan əvvəl də Azərbaycanda özünü Mehdi elan edənlər çox olub. Belə insanlara normal baxmıram. Bizim əqidəmizə görə, Mehdi axirətə yaxın gəlməlidir. Ancaq bu şəkildə yox".

Qeyd edək ki, bir neçə gün əvvəl Bakının Kürdəxanı kəndindən Kazım Əziz adlı vətəndaş mətbuata verdiyi açıqlamada onun imam Mehdi olduğunu bildirmişdi.

Həsən Elbrusoğlu
Ölkə.az