Xəzər dənizində xarici hərbi qüvvə ola bilməz

İran və Rusiya Xəzəryanı ölkələr arasında yekdil konsensusa nail oldular ki, Xəzər dənizində xarici hərbi qüvvə ola bilməz. Bu da Xəzərdə NATO-nun gələcək hər hansı mövcudluğunu istisna edir.

“Diplomat” dərgisinin yazdığına görə, Rusiyanın və İranın Qərblə diplomatik gərginliyi artır, onlara qarşı Qərbin Xəzərdə hərbi mövcudluğu təhlükləsi də artır. 

“Xəzər Dənizində Qanun və Siyasət” kitabının müəllifi, xarici siyasət eksperti Bahman Diba vurğulayıb ki, Ukrayna və Gürcüstan kimi ölkələrdə baş verənləri görən Rusiya Soyuq Müharibə dövrünə qaytaran xarici siyasəti canlandırır. İran isə qorxur ki, Qərb Xəzəryanı ölkələrdən İranın nüvə proqramına təzyiq kimi istifadə etsin.

ABŞ-ın İndiana Universitetindən olan professor Dmitry Şlapentox deyib ki, Rusiya Türkmənistandan Azərbaycana transxəzər kəmərinin çəkilişinin əleyhinədir. Azərbaycan və Türkmənistan bu kəməri çəkmək istəsə, Rusiya bunun qabağını almaq üçün hərbi gücdən istifadə edə bilər. Əgər NATO bazası olsaydı, Rusiya yəqin ki, bununla barışardı və layihə reallaşardı“.(anspress)

Ölkə.az