Üzlükləri gətirən şirkət Hacıbala Abutalıbovun qohumunundur?
Binəqədi rayonunda yanan binaya vurulan materialları ölkəyə gətirən və istehsal edən şəxslərin Hacıbala Abutalıbovla qohum olması barədə mətbuatda bir çox şəxslər tərəfindən ittihamlar səsləndirilib.
Qeyd edək ki, Müasir Müsavat Partiyasının sədri Hafiz Hacıyev də Ölkə.az-a açıqlamasında bildirmişdi ki, üzlük materiallarını ölkəyə gətirən Bakı Şəhər İcra Hakimiyyətinin başçısı Hacıbala Abutalıbovun qardaşı oğludur.
Bütün bu kimi məqamlara aydınlıq gətirmək üçün Hacıbala Abutalıbovun özü ilə əlaqə saxlayıb məəlumatın nə dərəcə dəqiqliyini aydınlaşdırmaq istədik.
O Ölkə.Az-a eksklüziv açıqlamasında bildirdi ki, qeyd olunan insanlarla heç bir qohumluq əlaqəsi yoxdur və haqqında səsləndirilən fikirləri iftiradır:
"Yalandır. İftiradır. Nəinki qardaşımın, ən uzaq qohumumun da nə zavodu, nə fabriki nə, nə də obyekti var. Heç birisi ilə qohumluq əlaqələrim də yoxdur. Mən ümumiyyətlə belə işlərdən uzağam. Təəssüf ki, bu yalan iftira olan məlumatları bizim mətbuat xidməti və şəxsən mənimlə dəqiqləşdirmədən verirlər".
H.Abutalıbov yanan binadan başına düşən şüşənin təxribat olması xəbərinə də münasibət bildirib:
"Hər bir insanın başı üstündə Allahdır. Onu qoruyanda, bu dünyadan aparan da Allahdır. Belə sözlərə fikir verməyin".
Bakı Şəhər İcra Hakmiyyətinin başçısı Hacıbala Abutalıbovun Ölkə.az-a ekskluziv açıqlamasının audio yazısını təqdim edirik:
Həsən Elbrusoğlu
Ölkə.Az
