Yanğın zamanı xəsarət alan 13 nəfərdən biri evə buraxılıb

Bakıda yanğın baş verən binada xəsarət alan 13 nəfərdən biri bu gün evə buraxılıb.

Səhiyyə Nazirliyinin mətbuat xidmətinin rəhbəri Liya Bayramova bildirib ki, 6 saylı şəhər Xəstəxanasından bir nəfər isə Kliniki Tibbi Mərkəzin Toksikologiya şöbəsinə yerləşdirilib.

Liya Bayramovanın sözlərinə görə, hazırda xəsarət alan 12 nəfərin müalicəsi davam edir. Bütün xəsarət alanların vəziyyəti stabildir və həyatları üçün təhlükə yoxdur.

Qeyd edək ki, Bakı şəhərində baş verən yanğın zamanı hadisə yerində təcili yardım briqadaları tərəfindən 56 nəfərə tibbi yardım göstərilib, onlardan 41-i xəstəxanalara yerləşdirilib. Xəstəxanaya yerləşdirilənlərdən 16-na lazımi yardım göstərilərək evə buraxılıb.

Hadisə nəticəsində 15 ölüm hadisəsi olub. Binadan 14 meyit çıxarılıb, bir nəfər - 68 yaşlı qadın isə gecə xəstəxanada vəfat edib.

Ölkə.Az