Çoxları Kərim Vəliyevi bu çıxışı ilə tanımışdı - VİDEO

Məlum olduğu kimi, general-leytenant Vəliyev Kərim Tofiq oğlu Azərbaycan Ordusunun Baş Qərargah rəisi təyin edilib.

Ölkə.Az xatırladır ki, Azərbaycan əhalisinin əksər hissəsi onu general-mayor Polad Həşimovun və polkovnik-leytenant İlqar Mirzəyevin Tovuz hadisələrində şəhid olmaları ilə bağlı verdiyi xəbərlə tanımışdı.

Belə ki, yeni Baş Qərargah rəisi jurnalistlərə açıqlama verərkən kədər və qisası ifadə edən siması ilə titrək nitqi zamanı Azərbaycan ordusunun zabitlərinin həyatını itirdiyini dilə gətirmişdi. Həmçinin əminliklə şəhid və yaralılarımızın qisasının alınacağını bildirmişdi.

Onun bu çıxışı hələ də 44 günlük Vətən müharibəsi ilə bağlı hazırlanan bir çox videoçarxlarda yer alır. 

Qeyd edək ki, buna qədər Kərim Vəliyev General-leytenant Vəliyev Kərim Tofiq oğlu Azərbaycan Respublikası müdafiə nazirinin müavini – Şəxsi Heyət Baş İdarəsinin rəisi vəzifəsində çalışıb.