İş şəraitiniz sağlam və təhlükəsiz əmək normalarına cavab verirmi?

Əmək və Əhalinin Sosial Müdafiəsi Nazirliyi “İş şəraitiniz sağlam və təhlükəsiz əmək normalarına cavab verirmi?” adlı interaktiv sorğunun nəticələrini açıqlayıb.

Ölkə.Az xəbər verir ki, respondentlərin 66 %-i (1524 nəfər) sorğuya cavabında hazırkı iş şəraitinin sağlam və təhlükəsiz əmək normalarına cavab verdiyini bildirib.

“Sorğuda iştirak edənlərin 34 %-nin (801 nəfər) eyni suala mənfi cavablandırması isə ayrı-ayrı müəssisələrdə sağlam və təhlükəsiz əmək şəraitinin təmin olunmasında nöqsanların hələ də mövcud olduğunu deməyə əsas verir-deyə, nazirlik bildirir.

Nazirlik qeyd edir ki, bu isə işəgötürənlərin əməyin mühafizəsinin təmin olunmasına diqqətinin artırılması üçün görülən məqsədyönlü tədbirlərin qarşıdakı dövrdə də davam etdirilməsinin zəruriliyini təsdiq edir.

Ölkə.Az