Daha bir keçmiş ANS-çi ATV-də?

Daha bir keçmiş ANS-çi Amil Hacıyev ATV-də işə başlamağa hazırlaşır. Bu barədə Ölkə.Az-a daxil olan məlumatda bildirilir ki, jurnalist bir neçə gün öncə ATV-dən təklif alıb.

Xatırladaq ki, son günlər bu iki telekanal arasında münasibətlər bir qədər də gərginləşib. Qeyd edək ki. Hacıyev uzun müddət ANS-də çalışıb. "Xəbərçi", "İç xəbər" verilişlərinin aparıcısı, idman departamentinin rəhbəri olub.

Əməkdaşımız məsələylə bağlı Amil Hacıyevlə əlaqə saxlayıb. Jurnalist xəbəri nə təsdiq, nə də təkzib edib:

"Hazırda Birinci Avropa Oyunlarındayam, amma yarış başa çatandan sonra işsiz qalacam. Sizin xəbərinizlə bağlı dəqiq heç nə deyə bilmərəm. Çünki hazırda televiziya mövsümü bitmək üzrədir. Belə bir şey olsa, ilk siz biləcəksiniz".

İntiqam VALEHOĞLU
Ölkə.Az