Adlı təqaüd ən çox BDU tələbələrinə verildi
Sentyabrın 29-da Azərbaycan Həmkarlar İttifaqları Konfederasiyasında 2013-2014-cü tədris ilində təhsildə uğurlu nəticələr qazanan ali məktəb tələbələrinə və Bakı şəhərinin məktəbliləri arasında keçirilmiş fənn olimpiadasının qalibi olan şagirdlərə Azərbaycan Təhsil İşçiləri Azad Həmkarlar İttifaqı (ATİAHİ) Respublika Komitəsinin adlı təqaüdü verilib
BDU THİK sədri Daşqın Qənbərov Ölkə.Az-a bildirib ki, tələbələr arasında adlı təqaüdə ən çox Bakı Dövlət Universitetinin tələbələri layiq görülüb.
Yay imtahan sessiyasında uğurlu nəticələr qazanan və həmkarlar ittifaqı təşkilatlarının işində fəallıq göstərən 60 tələbəyə və Bakı şəhərinin məktəbliləri arasında keçirilmiş fənn olimpiadasının qalibi olan 20 şagirdə ATİAHİ Respublika Komitəsinin adlı təqaüdü təqdim olunub.
Bakı Dövlət Universitetindən 5 nəfər tələbə bu təqaüdə layiq görülüb.
BDU THİK İctimaiyyətlə əlaqələr Departamentinin rəhbəri Rəşid Mustafazadənin sözlərinə görə, ATİAHİ adlı təqaüdü BDU tələbələrindən Hüquq fakültəsinin magistrı Məmmədova Yavər, Ekologiya və torpaqşünaslıq fakültəsinin tələbəsi Ağayeva Mədinə, Kimya fakültəsinin tələbəsi Hacıyev Abdulla, Geologiya fakültəsinin tələbəsi Zülfili Nicat və Tarix fakültəsinin tələbəsi Şərifov Şahin layiq görülüb.
Təhsil nazirinin müavini Ceyhun Bayramov təhsildə fərqlənən tələbə və şagirdləri təbrik edərək onlara uğurlar arzulayıb.
Qeyd edək ki, həm universitet, həm konfederasiya daxilndə bu cür motivasiya edici tədbirlər tez-tez təşkil olunur. Bütün bunlar bunlar birbaşa ölkədə aparılan gənclər siyasətinin bariz nümunəsidir.
Ölkə.Az
