Azərbaycanlı tələbə Polşada Qarabağla bağlı diplom işini müdafiə edib

Tanınmış media təmsilçisinin qızı Polşada "Qarabağ" mövzusunda diplom müdafiə edib.

“Ölkə.Az” xəbər verir ki, bu barədə “Yeni Müsavat” mətbu orqanın əməkdaşı Süleyman Ələsgərli bildirib.

“Bu gün qızım Kamilənin müdafiəsi idi. Mövzu nə olsa yaxşıdır? Qarabağ! O Varşava Universitetini Beynəlxalq Münasibətlər ixtisası üzrə bakalav pilləsini bitirdi. Diplom işi isə  “Qarabağ münaqişəsində Rusiya faktoru” mövzusu olub. O, dissertasiyanı az öncə uğurla müdafiə etdi. Mövzu aktul olduğundan və polşalı komissiya üzvlərinə maraqlı gəldiyindən rekord sayda əlavə suallar veriblər. Kamiləni təbrik edirəm. Dəyərli tarixçilərimiz Boran Əzizliyə, Zaur Əliyevə məsləhətlərinə və göstərdikləri diqqətə görə təşəkkürümü bildirirəm!”

Ölkə.Az