Axtarışda olan 14 nəfər tutuldu

Sentyabrın 12-də respublikanın daxili işlər orqanları tərəfindən qeydə alınan 74 cinayət faktından 29-nun üstü “isti izlər”lə açılıb. 

Ölkə.Az DİN-in saytına istinadən xəbər verir ki, Cinayət Məcəlləsinin müxtəlif maddələri ilə axtarılan 14 nəfər tutularaq istintaq orqanlarına təhvil verilib.

Respublikanın avtomobil yollarında qeydə alınan 5 yol-nəqliyyat hadisəsi nəticəsində 3 nəfər ölüb, 10 nəfər yaralanıb.

Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklərlə əlaqəli 5 fakt müəyyən edilib.

Cinayət törətdiyinə görə 28 nəfər tutulub.

Ölkə.Az