Azərbaycanda kredit borcu olanların sayı açıqlandı
Mərkəzləşdirilmiş Kredit Reyestri Xidmətinin 2015-ci ilin mayın 1-nə olan məlumatına görə, Azərbaycanda 2 milyon 414 min 122 nəfər kredit götürən şəxs (borc alan) var.
Bu isə ümumi əhalinin 26%-ni təşkil edir.
Bu barədə Azərbaycan Mərkəzi Bankının (AMB) son yaydığı statistik məlumatda deyilir.
Məlumatda qeyd olunur ki, onların böyük bir hissəsi 2 milyon 381 min 592 nəfəri fiziki şəxslər, daha sadə şəkildə desək istehlakçılardır.
Bundan əlavə, 10 min 957 min nəfəri hüquqi şəxslər, 21 min 573 nəfəri isə sahibkarlıq subyektləridir.
Zamin şəxslərin sayı isə bir ayda (mart və aprel aylarının müqayisəsi) 6 min 344 nəfər artaraq, 1 milyon 115 min 820 nəfərə çatıb.
Onu da əlavə edək ki, 2015-ci ilin fevralın 1-nə borcalanların sayı 2 milyon 342 min 233 nəfər, martın 1-nə 2 milyon 366 min 967 nəfər, aprelin 1-nə 2 milyon 389 min 292 nəfər, mayın 1-nə isə qeyd etdiyimiz kimi 2 milyon 414 min 122 nəfər olub.
Xatırladaq ki, AMB Mərkəzləşdirilmiş Kredit Reyestri Xidməti 2005-ci ilin martından xidmət göstərir.
Ölkə.Az