Azərbaycan Melaka Beynəlxalq Gənclər Dialoqunda təmsil olundu
ARGTMŞ Azərbaycanı Malayziyada keçirilən beynəlxalq tədbirdə təmsil edib.
Ölkə.Az xəbər verir ki, Azərbaycan Respublikası Gənclər Təşkilatları Milli Şurası (ARGTMŞ) tamhüquqlu və idarə heyətinin üzvü olduğu Dünya Gənclər Assambleyası tərəfindən Malayziyanın Melaka şəhərində təşkil olunan “15-ci Melaka Beynəlxalq Gənclər Dialoqu” adlı tədbirdə təmsil olunub.
Melaka Əyalət Hökuməti, Asiya Gənclər Şurası, Malaziya Gənclər Şurası, Malayziya Gənclər və İdman Nazirliyinin dəstəyi ilə həyata keçirilən tədbirdə ARGTMŞ-ı təşkilatın İctimaiyyətlə Əlaqələr Departamentinin rəhbəri Pərvin Piriyev təmsil edib. Tədbirdə Avropa, Asiya, Avstraliya və Afrika qitələrinin ölkələrindən Dünya Gənclər Assambleyası ilə əlaqəli olan, gənclərlə sıx işləyən qurumların lider və fəalları iştirak ediblər.
Tədbir gənclərin konfliktlərin cari vəziyyəti haqqında məlumatlandırılması, gənclər şuraları və digər maraqlı tərəflərin konfliktlərin həllində töhfələrinin və rolunun təsnifləşdirilməsi, münaqişələrə qarşı mübarizədə iştirakı və rolunun artırılması məqsədilə təşkil olunub.
Ölkə.Az