Oxu.az-ın 2 yaşı tamam oldu
İki il bundan öncə, iyul ayının 1-də Oxu.Az İnformasiya Agentliyi fəaliyyətə başlayıb.
Saytın redaksiyasının 2-ci ildönüm münasibəti ilə yaydığı mesajın mətnini oxucularımıza təqdim edirik:
"Azərbaycanın media bazarına daxil olarkən, qarşımızda yeni, mövcud xəbər portallarından seçilən, oxucuların yerli xəbərlərlə yanaşı, dünyada baş verən maraqlı hadisələrdən də xəbər tutacağı sayt yaratmaq, ölkəmizdə və planetimizdə baş verən bütün hadisələrdən xəbərdar olmaq kimi çətin bir vəzifə dururdu.
2 il əvvəl gündəlik auditoriyası 3-5 min nəfər, hazırda isə gündəlik auditoriyası 100-150 min nəfər, aylıq auditoriyası 2 milyon oxucunu ötən Oxu.Az-ın bu vəzifənin öhdəsindən gəldiyini söyləmək olar.
Əməkdaşlarımızın qətiyyəti və zəhməti sayəsində unikal dizaynı ilə fərqlənən Oxu.Az qısa bir zamanda Azərbaycanda geniş auditoriya qazandı. Və bu gün hər ay 2 milyondan çox oxucu region və dünyada baş verən yerli və xarici informasiyanı Oxu.Az vasitəsilə əldə edir.
Əlbəttə, böyük oxucu kütləsinin olması həmçinin onların qarşısında olan məsuliyyəti də bir o qədər artırır, hər bir xəbərin hazırlanmasına daha diqqətlə yanaşmağı, hər bir detalı təkrar-təkrar yoxlamağı tələb edir.
Ötən il cəbhədə baş verən məlum avqust hadisələrində Azərbaycan oxucularının baş verənlər barədə dəqiq məlumat almaq üçün məhz Oxu.Az-a üz tutması, məhz həmin günlərdə saytın gündəlik oxucu auditoriyasının dəfələrlə genişlənməsi də bizim oxucunu aldatmamaq siyasətimizin bəhrəsi kimi dəyərləndirilir.
Bakıda keçirilən İlk Avropa Oyunlarında saytın bölmələri arasında xüsusi Bakı-2015 bölməsi yaradan Oxu.Az ölkəmiz üçün möhtəşəm idman günlərində hazırladığı minlərlə xəbərini oxucuları ilə paylaşdı, idmançılarımızın qələbə zəfərlərini bütün Azərbaycanla birlikdə qeyd etdi.
Artıq fəaliyyətimizin üçüncü ilinə qədəm qoyuruq. Geridə qalmış iki ildə məqsədimiz 2 milyon və bundan bir qədər çox auditoriyanı düzgün istiqamətə yönləndirmək və cəmiyyətdə çaşqınlıq yaradan məsələlər ətrafında auditoriyada düzgün baxış bucağı yaratmaq olub.
Qeyd etdiyimiz məsələlər bundan sonrakı fəaliyyətimizdə də bizim komandanın əsas devizi olacaq.
Qarşıda görüləsi işlər çoxdur – planlarımız və auditoriyamız üçün maraqlı foto-layihələr, müxtəlif insanlarla maraqlı müsahibələr və s. var.
Ona görə də bizimlə qalın, əziz oxucular!"
Bununla əlaqədar Ölkə.az kollektivi olaraq Oxu.az-da işləyən bütün həmkarlarımızı ürəkdən təbrik edir, onlara bu çətin peşə yolunda uğurlar arzulayırıq.
Ölkə.az