Qanunsuz radioelektron vasitə aşkarlandı
İstismara Nəzarət Şöbəsi 2015-ci ilin 6 ayı ərzində görülən işlər barədə məlumat yayıb.
Rabitə və Yüksək Texnologiyalar Nazirliyi yanında Dövlər Radiotezliklər İdarəsinin (DRİ) Radioelektron vasitələrin (REV) istismarına nəzarət şöbəsi və Efirə radionəzarət şöbəsinin bölgələr üzrə efirə radionəzarət məntəqələrinin mühəndisləri tərəfindən 2015-ci ilin 6 ayı ərzində iş planına və DRİ-yə daxil olmuş müraciətlərə əsasən təşkilat və müəssisələrdə istismar olunan radioelektron vasitələrinə müvafiq qaydada texniki baxış keçirilərək 245 akt tərtib edilib.
Müəssisə və təşkilatlarda keçirilən texniki baxış zamanı 108 ədəd DRİ-də qeydiyyatdan keçməyən müxtəlif növ REV aşkarlanıb. Onlardan 48 ədədi möhürlənib, 35 ədədi qeydiyyata salınıb, 7 ədədi silinib və 18 ədədinin qeydiyyyata salınması üçün müvafiq tədbirlər görülür.
Dövlət qeydiyyatından keçməyən qeyri-qanuni REV istifadəçilərinə qarşı İnzibati Xətalar Məcəlləsinin pozulması barədə 12 protokol yazılıb və müvafiq hüquqi tədbirlərin görülməsi üçün aidiyyəti rayon məhkəmələrinə müraciətlər edilib.
Ölkə.Az