Bakı metrosunda problem yaşandı
Bu gün Bakı Metropolitenində analoqu olmayan bir hadisə baş verib. Metromuzun qəribə hadisələrlə zəngin bir məkan olduğunu bilirik, ancaq bu hadisə ilk dəfədir ki, baş verir.
"Koroğlu" stansiyasında "İçərişəhər" stansiyasına doğru hərəkət edən qatar 20 dəqiqəyə yaxın yerindən tərpənməyib. Buna səbəb isə vaqonların qapılarının bağlanmaması olub.
Milli.Az-ın hadisə yerində olan müxbirinin sözlərinə görə, vaqonların qapılarını bağlamaq üçün metro əməkdaşlarının səyi də boşa çıxıb. Bundan sonra isə bütün sərnişinləri qatardan çıxarmaqdan başqa çarə qalmayıb.
Ölkə.Az
