Ağciyər İnstitutunda maaşlar gecikir: sabiq direktor məlumat bazasını silib? - AÇIQLAMA

Struktur dəyişikliyi fonunda Elmi-Tədqiqat Ağciyər Xəstəlikləri İnstutu Publik Hüquqi Şəxs olduğuna görə vergi xidmətindən reyster çıxarışı yeni direktorun adına dəyişdirilməlidir.

Bu barədə Ölkə.Az-ın sorğusuna cavab olaraq Elmi-Tədqiqat Ağciyər Xəstəlikləri İnstitutundan bildirilib.

"Sənədləşmə prosesi müəyyən vaxt tələb etdiyi üçün əmək haqqlarının ödənilməssində texniki gecikmə yaranıb. Yaxın günlərdə  əməkdaşların əmək haqqlarının ödənilməsi nəzərdə tutulub" - məlumatda qeyd edilib.

***

15:45

Elmi-Tədqiqat Ağciyər Xəstəlikləri İnstitutunda maaşlar 15 gündür gecikir.

Bu barədə hüquqşünas Samir Zeynalov Ölkə.Az-a müraciətində deyib. İşçilər adından saytımıza müraciət edən hüquqşünas bildirib ki, maaşların gecikməsinə səbəb kimi işçilərə sabiq direktor Həqiqət Qədirovanın elektron məlumat bazasını silməsi göstərilib.

Sabiq direktorun hansı səbəbdən belə addım atmasına gəlincə isə bildirilib ki, H.Qədirova gözlənilmədən vəzifəsindən uzaqlaşdırılmasına qəzəblənərək elektron məlumat bazasını silib.
Vəkil işçilər adından etdiyi müraciətdə H.Qədirovanın vəzifədə olarkən pozuntulara yol verdiyini və buna görə işindən uzaqlaşdırılmış ola biləcəyini deyib.

Ölkə.Az sözügedən iddialarla bağlı Elmi-Tədqiqat Ağciyər Xəstəlikləri İnstitutuna və Tibbi Ərazi Bölmələrini İdarəetmə Birliyinə sorğu ünvanlayıb.

Səsləndirilən iddialarla bağlı H.Qədirova ilə əlaqə saxlamağa çalışsaq da, zənglərimizə cavab verən olmadı.

Qarşı tərəfin mövqeyini dərc etməyə hazırıq.

Qeyd edək ki, sabiq direktor H.Qədirova bu il aprelin 27-də vəzifəsindən azad edilib.

Billurə Yunus