Sumqayıtda körpənin oğurlanmasını xüsusi qrup araşdıracaq

İstintaq tədbirləri davam etdirilir.

Sumqayıtda iki aylıq körpənin oğurlanması faktı ilə bağlı xüsusi qrup yaradılıb.

Ölkə.Az xəbər verir ki, bu barədə APA TV-yə Sumqayıt Şəhər Polis İdarəsindən bildirilib.

Məlumata görə, qrupa Sumqayıt Şəhər Polis İdarəsinin dörd bölməsinin hər birindən iki əməkdaş cəlb olunub.

Xatırladaq ki, hadisə avqustun 13-də Sumqayıt şəhərində baş verib. Sumqayıt şəhəri, 29-cu kvartal, ev 11/16, mənzil 30 ünvanında yaşayan Aysel Əhmədovanın 2 aylıq körpəsi naməlum qadın tərəfindən oğurlanıb.

Fakta görə Cinayət Məcəlləsinin 144.1-ci (adam oğurluğu) maddəsi ilə başlanıb, istintaq tədbirləri davam etdirilir.

Ölkə.Az