Xətainin yol polisi rəisinin vəzifəsi böyüdüldü

Daxili işlər naziri, general-polkovnik Ramil Usubov Dövlət Yol Polisində növbəti kadr dəyişikliyi edib. 

Məlumata görə, Ramil Usubovun müvafiq əmri ilə Xətai rayonu Dövlət Yol Polisi (DYP) şöbəsinin rəisi Qəhrəman Qələndərov vəzifəsindən azad edilərək Bakı Şəhər Dövlət Yol Polisi İdarəsinin rəis müavini vəzifəsinə təyin edilib. Xətai rayonu DYP şöbəsinin rəisi vəzifəsinə isə yeni təyinat əmri verilməyib.

Qəhrəman Qələndərov aznews.az-a xəbəri təsdiqləyib. 

Qeyd edək ki, Bakı Şəhər Dövlət Yol Polisi İdarəsinin rəis müavini Rəşadət Babayev bir neçə ay əvvəl nazirin müvafiq əmri ilə DYP-nin Yol-Patrul Xidməti alayının komandiri təyin edilib.

Ölkə.Az