Cəlilabadda arvadını baltalayan ər hakim qarşısında

Cəlilabadda arvadını baltalamaqda təqsirli bilinən Şəhriyar Bayramovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işi materialları baxılması üçün Lənkəran Ağır Cinayətlər Məhkəməsinə göndərilib.

Cinayət işi hakim Nizami Quliyevin icraatına verilib.

İş üzrə məhkəmə hazırlıq iclası yaxın günlərdə keçiriləcək.

Qeyd edək ki, hadisə Yusublu kəndində qeydə alınıb.

Kənd sakini Şəhriyar Bayramov qeyri-rəsmi nikahda olduğu arvadı, 2001-ci il təvəllüdlü Səbinə Abbasovanı baltalayıb. Qadın xəstəxanaya yerləşdirilib və onun həyatını xilas etmək mümkün olub.

Şəhriyar Abbasov isə tutularaq istintaqa təhvil verilib.