"Sevil massivi" etirazçıları Prezident Administrasiyasına daxil oldular

Ölkə.az-ın müxbiri xəbər verir ki, "Sevil massivi" aksiyaçıları Prezident Administrasiyasının önünə gəliblər

Şikayətlərinə heç yerdə baxılmayan aksiya iştirakıları son ümid yeri kimi bura toplaşdıqlarını bildiriblər.

Müxbirimiz hadisə yerindən bildirir ki, Administrasiyanın qarşısına yığışan etirazçılardan 3 nəfəri administrasiyanın qəbul şöbəsinə dəvət olunublar.

Müxbirimiz xəbər verir ki, etirazçıların nümayəndələrini Administrasiyanın Nailə xanım adlı əməkdaşı qəbul edib və şikayətçiləri dinlədikdən sonra onları yenidən Baş Prokurorluğun Korrupsiya idarəsinə geri göndərib. Nailə xanım aksiyaçılara bildirib ki, Administrasiyadan baş prokuror Zakir Qaralova və Korrupsiya idarəsinin rəhbərinə onların şikayətlərinə yenidən baxıb məsələni mümkün qədər tez bir zamanda həll etmələri tapşırılacaq.

Müxbirimiz bildirir ki, hazırda aksiyaçılar yenidən Baş Korrupsiya idarəsinə qayıdırlar.

Ölkə.az