Pilot layihəsi çərçivəsində təlimlər başlayıb
Təhsil Nazirliyində “İbtidai təhsil səviyyəsi üzrə inklüziv təhsilin tətbiqi” pilot layihəsi çərçivəsində təlimlər başlayıb.
Nazirlikdən Ölkə.Az-a bildiriblər ki, layihənin icraçıları üçün təşkil olunan təlimlər alman mütəxəssisləri tərəfindən keçirilir.
Layihə Təhsil Nazirliyi və BMT-nin Uşaq Fondu (UNİCEF) tərəfindən 2014-2015-ci illərə dair İllik Fəaliyyət Planına uyğun olaraq reallaşdırılır. Layihə ilə bağlı beynəlxalq məsləhətçi xidməti UNİCEF tərəfindən təmin olunur.
Pilot layihəsi ilk dəfə 2015-2016-cı tədris ilində Bakı şəhərindəki 220 və 138 nömrəli məktəblərdən seçilmiş birinci siniflərdə həyata keçiriləcək.
Ölkə.Az