“Ofeliya Siyavuşun həmkarı ilə yaxınlığının intiqamını aldı” - VİDEO 

“Siyavuş Aslanın böyük bir səhvi olmuşdu. O, teatrda çalışan bir aktrisa ilə yaxınlıq etmişdi. Bunu da arvadı Ofeliya Aslan bilmişdi. Ofeliya həmin aktrisa ilə səhnəyə çıxırdı. Tərəf müqabili idi. Məsələ böyüdü və onlar boşanmaq həddinə gəlib çatdılar. Ondan sonra isə Ofeliya Siyavuşu bağışlamadı”. 

Ölkə.az Bizim.Media-ya istinadla xəbər verir ki, bu sözləri Əməkdar artist Kübra Əliyeva “YouTube”da yayımlanan “Portret” verilişlərin birində deyib.

Aktrisa Siyavuş və Ofeliya cütlüyünün arasına girən həmkarının dünyasını dəyişdiyini bildirib:

“Həmin aktrisa dünyasını dəyişib. Bizdə belə söz var “Torpaqlar xəbər aparmasın”. Amma gərək o, Siyavuşla yaxınlıq etməyəydi”.

K. Əliyeva S.Aslanın bir xanım müğənni ilə eşq yaşaması ilə bağlı söz-söhbətin yalan olduğunu deyib:

“Mən, Kübra bunu görmədim, hiss etmədim. Günlərin bir günü “Nişanlı qız” tamaşasının Akademik Milli Dram Teatrında məşqinə gedirdik. O zamanlar “Jiquli” markalı avtomobilim vardı. Siyavuşu maşınımda məşqə aparırdım. Ondan soruşdum ki, belə bir söz-söhbət var. Siyavuş cavab verdi ki, “əgər desələr ki, Siyavuş Kübra ilə görüşür, deyərəm ki, sənin maşınında gedirəm də, gördülər bizi. Amma inan Allaha, atamın goru haqqı, o müğənni, bəlkə nə zamansa mənə salam verib keçib gedib, elə bir şey yoxdur”.

Əməkdar artistin sözlərinə görə Ofeliya Aslan ərini bağışlamayıb və ondan intiqam almaq hiss ilə yaşayıb:

“Ofeliya bunlardan sonra çox dəyişdi. İntiqam almaq istəyirdi. Onu bağışlamaq istəmədi. İllər keçdi bu şeylər içində böyüdü, sonra da Ofeliyanın bütün sinir sistemini pozdu. Bunu Siyavuşa heç cür deyə bilmirdik. Bilirsiniz, Ofeliya psixiatriya xəstəxanasına yerləşdiriləndə Siyavuş necə ağlayırdı? Sanki havada gəzirdi. İnsanın belə bir halı olur, heç kimi görmürsən, heç kimə salam vermək istəmirsən.

Siyavuş həkimlərlə danışdı. Ofeliyaya yardım etmək istədi. Amma Ofeliya bunu da səhv başa düşdü”. 

Qeyd edək ki, Ofeliya Aslan 18 may 2010-cu ildə 2 illik xəstəlikdən sonra 71 yaşında ürək tutmasından dünyasını dəyişib. O, Yasamal qəbiristanlığında dəfn olunub.

Siyavuş Aslan uzun sürən xəstəlikdən sonra 27 iyun 2013-cü ildə Bakıda vəfat edib, II Fəxri xiyabanda dəfn olunub.

Onların oğlu Çingiz Aslanov isə bu ilin aprelin 6-sında Yasamal qəbiristanlığında anasının yanında dəfn olunub.