\"Valyutadəyişmə məntəqələri yenidən bərpa olunsun\"

“Valyutadəyişmə məntəqlərində 20 min adam çalışırdı və indi onlar işsiz qalıb. Valyutadəyişmə məntəqəsi bağlansa da, bunun yeni mexanizmi yoxdur”.

“Ölkə.Az” xəbər verir ki, bunu deputat Siyavuş Novruzov parlamentdə çıxışı zamanı deyib.
Onun sözlərinə görə, valyutadəyişmə məntəqləri bağlandığından yenidən metrolarda və bağlarda valyutadəyişmə ilə bağlı “qara bazar” fəaliyyət göstərir.

Deputat təklif edib ki, yenidən valyutadəyişmə məntəqələri bərpa edilməlidir və bunun mexanizmi müəyyənləşdirilməlidir.

“Həm yeni iş yerləri olar, həm də şəhərə gələn turistlər rahat qaydada öz valyutalarını dəyişə bilər”, - o bildirib.

Mürtəza
Ölkə.Az