Ordumuz Ağdam istiqamətində sürətlə irəliləyir

Ölkə.az-ın bölgəyə ezam etdiyi müxbiri işğal altındakı Ağdamın Yusifcanlı kəndinin ordumuz tərəfindən azad edildiyini bildirir.

Əvvəlki materiallarımızda Ağdam rayonunun Bayramlar kəndinin ordumuz tərəfindən azad olunduğunu xəbər vermişdik. Bir-neçə saat bundan öncə müxbirimizin bizə verdiyi xəbəri sizinlə paylaşırıq.

Muxbirimiz bildirir ki, əvvəllər ermənilərin nəzarətində olan Yusifcanlı kəndinin yaxınlığındakı bizə məxsus mövqe və gözətçi postu ərazidə növbə çəkən əsgərlərimizin irəliləməsi nəticəsində boşalıb. Hadisəni yerində araşdırmaq üçün əraziyə yollanan müxbirimiz yayılan xəbərin doğru olduğunu görüb. Əvvəllər ermənilərin intensiv atəşi altında olan əraziyə sanki sükut çöküb. Ordumuzun əsgərlərinin köhnə postdan Yusifcanlıya doğru yerləşən daha iki erməni postunu ələ keçirdiyi və Yusifcanlını azad etdiyi bildirilir.  Yusifcanlıya bir neçə yüz metrə qalmış ordumuzun əsgərləri müxbirimizi daha irəli buraxmayıblar. Hərbi sirri yaymamaq məqsədi ilə əsgərlərimizin görüntüsünü sayta yerləşdirmirik.

Müxbirimizin Yusifcanlıdan hazırladığı fotoreportajda tam olaraq ermənilərin nəzarətində yerləşən Qarqarçayın qurumuş yatağı artıq tam olaraq bizim nəzarətimizdədir. Müxbirimiz çəkdiyi görüntüləri Qarqarçayı rahat surətdə keçərək çəkib.

İzləyin...

Ölkə.az