"Azərbaycan sələfiləri ermənilərə qarşı cihada hazırdır"

Ölkə.az-ın Qarabağ müxbiri xəbər verir ki, dünən Ağdam rayonunun Çıraqlı kəndi yaxınlğındakı posta təxminən 30 nəfər dindar gənc yaxınlaşıb.

Postu qoruyan əsgərlər və polis əmkdaşlarına Azərbaycan sələfiləri adından döyüşə hazır oduqlarını bildirən qrup silahlanaraq ön xəttə getmək istədiklərini deyiblər. 

Polislər tərəfindən dilə tutularaq postdan uzaqlaşdırılan sələfilər respublikanın müxtəlif bölgələrindən minlərlə "müsəlman qardaşın" ermənilərə qarşı cihadda iştirak etməyə hazır olduğunu bəyan edərək bölgədə yerləşən hərbi birlşmənin komandiri ilə grüşmək istıdiklrini bildiriblər.

Uzun söhbətdən sonra polis tərəfindən dilə tutularaq geri göndərilən sələfilər müharibənin başlanacağı təqdirdə öz sıralrda vuruşacaqlarını dilə gətiriblər.

Məsələ ilə bağlı müxbirimiz Azərbaycan sələfilərinin liderlərindən bri sayılan keçmiş Əbu Bəkr mıscidinin axundu Hacı Qamər Suleymanovla əlaqə saxlayıb:

"Məsələdən xəbərsizəm. Amma qardaşların belə təşəbbüsü alqışlanmalıdır. Hesab edirəm ki, Azərbaycanın çox güclü ordusu var və ordumuz düşmənin öhdəsindən gələcək. Əgər lazım olsa bütün sələfilər, mən də həmçinin Qarabağ uğurunda döyüşlərdə iştirak etməyə hazırıq" - deyə Qamət Suleymanov vurğulayıb.

Ölkə.az