Ölkə.az: Əhalinin Tərtəri tərk etməsi xəbəri dezinformasiyadır

Ölkə.az bəzi "yeri-yurdu" bəlli olmayan üzdəniraq internet saytlarının yaydığı dezinformasiyaları işfa etməkdə davam edir.

Gün ərzində sosial şəbəkələrdə xəbər paylaşan bəzi sayt "jurnalistləri" Ağdam əhalisinin panika içərisində qaçıdığı haqda dezinformasiyalar yaymışdılar.

Ölkə.az-ın bölgəyə ezam etdiyi və ərazini yaxşı tanıyan müxbiri son sutka ərzində  ön xəttə gedərək əhalinin yerində olduğunu və hətta ordumuzun bir erməni postunu ələ keçirdiyini eksklüziv olaraq bildirdi.

İndi isə müxbirlərimiz Tərtər əhalisinin təşviş içərisində olduğunu iddia edən bəzi saytlara cavab olaraq rayon ictimaiyyətinin nümayəndələri ilə əlaqə saxlayaıb.

Saytımıza rayondan verilən bütün məlumatlarda nəinki əhalinin Tərtərdən qaçdığı, hətta Bakıda respublikanın digər şəhrlərində yaşayan yüzlərlə tərtərlinin vəziyyətlə əlaqədar rayona qayıtdığı bildirildi. Rayondakı mötəbər mənbə hətta onlarla rayon sakininin orduya getmək üçün hərbi komissarlığa müraciət etdiyini də vurğuladı.

Ölkə.az-ın redaksiya heyəti olaraq bu kimi dezinformasiyaların yayılmasını düşmınlə əməkdaşlıq kimi qiymətləndirir və ölkmizə qarşı informasiya təxribatı olduğunu bəyan edirik! Azərbaycanın güc strukturlarını belə neqativ hallarla mübarizədə daha sərt olmağa səsləyirik!

Olkə.az