İranlı biznesmen Azərbaycanda məhkəmə qarşısına çıxarılır

Azərbaycanda sahibkarlıq fəaliyyəti ilə məşğul olan iranlı iş adamı Abdollah Kashani İlkechi Mohammadtaghının Azərbaycandan çıxışı məhdudlaşdırıla bilər.

İqtisadiyyat.az-ın əldə etdiyi məlumata görə, bununla bağlı Bakı Kommersiya Məhkəməsinə müraciət olunub.

Belə ki, Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsi iranlı iş adamının vergi borcuna görə məhkəməyə ərizə ilə müraciət edərək onun Azərbaycandan çıxışına "stop" qoyulmasını xahiş edib.

İşə hakim Günay Namazovanın sədrliyi ilə baxılacaq.

Məhkəmə ərizəni təmin etsə, Abdollah Kashani İlkechi Mohammadtaghının Azərbaycanı tərk etmək hüququ müvəqqəti məhdudlaşdırılacaq.

Qeyd edək ki, Abdollah Kashani İlkechi Mohammadtaghı "RAMİZ-N" şirkətinin qanuni təmsilçisidir. Şirkət 2017-ci ildə dövlət qeydiyyatına alınıb.