Türkiyədə oxuyan azərbaycanlıların sayı açıqlandı

Türkiyədə oxuyan əcnəbi tələbələr arasında azərbaycanlılar çoxluq təşkil edir. 

Ölkə.Az-ın ans press-ə istinadən məlumatına görə, ümumilikdə türk üniversitelərində 48 min əcnəbi təhsil alır. Türkiyənin Yüksək Öyrətin Qurulu (YÖK) hesabatında ən çox tələbə göndərən üç ölkənı açıqlayıb. Bunların arasında Türkmənistan, Azərbaycan və İran var. 

Xarici ölkə vətəndaşları olan 48 min 183 nəfrədən 33431-i oğlan, 14752-i isə qızdır. 

Azərbaycandan 6901 tələbə qonşu dövlətdə təhsilini davam etdirir. İrandan olan tələbələrin sayı isə 4343 nəfərdir. 

Ən çox üstünlük verilən isə İstanbul universitetidir - 3051 tələbə. İkinci yerdə 2146 tələbə ilə Marmara, üçüncüdə 2078 tələbə ilə Anadolu Universiteti qərarlaşıb.

Ölkə.Az