Sponsorları cəlb etməyin yolları barədə düşünməliyik – Şahin İsmayılov

“Hökumət idman və gənclər sahəsinə sponsorların necə cəlb olunması barədə düşünməlidir. Məsələn, xaricdə özəl şirkətlər idman sahəsinə sponsorluq etmək üçün illərlə növbəyə durur. Bizdə də bunun mexanizmləri hazırlanmalıdır”.

Ölkə.Az xəbər verir ki, bunu Milli Məclisin gənclər idman komitəsinin sədr müavini Şahin İsmayılov parlamentdə 2024-cü il büdcəsinin müzakirəsi zamanı deyib.

Onun sözlərinə görə, özəl şirkətlərin idman sahəsinə sponsorluqla bağlı yetərincə təcrübələri var və bunlar dəyərləndirilməlidir.

“Bunun üçün Azərbaycan hökuməti stimullaşdırıcı proqramlar həyata keçirə bilər. Hazırda bu sahələrə ancaq ayrı-ayrı dövlət qurumları yardımlar edir və biz zamanla özəl şirkətlərin bu sahəyə sponsorluğuna nail olmalıyıq. Buna gənclər sahəsini də qeyd etmək olar. Ona görə də hökumət bu məsələlər üzərində ciddi düşünməlidir”, - o qeyd edib.

Mürtəza
Ölkə.Az