"O kimdir ki, mənimlə dost olsun?!" - Ramiz Mehdiyev əsəbiləşdi

"Deyirlər ki, Əhməd Vəliyev mənimlə ailəvi yaxındır. Bunlar hamısı boş söhbətlərdir, yalandır. Əhməd kimdir ki, mənimlə dost olsun. Ümumiyyətlə onunla əlaqəmiz olmayıb".

Ölkə.Az xəbər verir ki, bunu Manset.az-a Ramiz Mehdiyev deyib.

“Bu məlumatlar qəti yalandır. Mənim qızımın orda səhmləri yoxdur. Əhməd deputat olub, tanıyıram. Mənim onunla heç bir dostluğum olmayıb", - o bildirib.

Ölkə.Az xatırladır ki, “Muğanbank” ASC-nin Prezident Administrasiyasının sabiq rəhbəri Ramiz Mehdiyevin ailə üzvlərinə (Elmir Maqbet oğlu Mehdiyev - 67,74%, Maqbet Mehdiyev - 11,58%, Fəridə Cahandar qızı Mehdiyevaya - 10,03%, Vəfa Əhməd qızı Vəliyevaya - 10,65%) məxsus olduğu deyilirdi. Daha sonra isə bankın payının böyük hissəsi Odlar Yurdu Universitetinin rektoru, sabiq deputat Əhməd Vəliyevin oğulları - Samir və Munir Vəliyevlərə ötürüldü, Vəliyevlərin Bankdakı payı 10,65%-dən 88,33%-ə, Mehdiyevlərin payı isə 89,35%-dən 11,67%-ə dəyişdi.