Nəticələrə əsaslanan kurrikulumda Avstraliya araşdırması

Təhsilə yeni yanaşma həm ibtidai, həm də orta məktəbdə ənənəvi təhsildən daha geniş öyrənmə təcrübəsi təklif etmək potensialına malikdir. “Əsas öyrənmə sahələri” ilə əlaqələndirilən və real dünya məsələləri ilə əlaqəli tapşırıqlar yaratmaqla daha real və uyğun öyrənmə və qiymətləndirmə tapşırıqları mümkündür.

İlk əvvəl yeni metod təhsilin nə etmək istədiyini tapmağa çalışır. Daha sonra isə hansı fənnlər uşaqlara öz bilik və bacarıqlarını nümayiş etdirməyə kömək edirsə onu təyin edir. Bunu da əvvəlki yazıda qeyd etdiyimiz oğlan tələbələr misalında yaxşı həll yolu hesab etmək olar. Bu onlara güvən verir ki, zamanla bildiklərini və öyrəndiklərini hər kəsə danışa bilsinlər. Bu metod qızlar üçün də məqsədyönlü sayılır. Lakin oğlanlar qızlardan daha çox etdiklərinin arxasında güclü hədəflər və səbəblər axtarırlar.

Kurrikulum və pedaqogika

Araşdırmaya əsasən belə hesab olunur ki, kurrikuluma və pedaqogikaya nəticələrə əsaslanan yanaşmalar düzgün tətbiq olunarsa, bütün uşaqların öyrənmə təcrübələrini əhəmiyyətli dərəcədə zənginləşdirmək, eləcə də oğlanların marağını və fəallığını artırmaq mümkündür. Bununla belə, kurrikulum səviyyəsində dəyişiklik o zaman baş tuta bilər ki, bu, tələbələrin nailiyyətlərinə əhəmiyyətli təsir göstərəcək və o zaman bunun həyata keçirilməsində onlara dəstək olmaq üçün müəllimlər üçün ixtisasartırma təliminə əhəmiyyətli zərurət yaranacaq. 
Oğlanları həvəsləndirmək və onları öyrənmə prosesinə cəlb etmək üçün müvafiq kurikulum lazımdır. Kurikulum sinif müəllimlərinə tələbələrinin xüsusi ehtiyaclarına uyğun olaraq məzmunu və onu çatdırılma metdolarını dəyişdirmək imkanı verir. Lakin bu imkanlar heç də həmişə oğlan və ya qız qruplarına uyğun məzmun və fəaliyyətləri seçmək üçün istifadə edilmir. Sinif müəllimləri üçün mövcud imkanlar və çevikliklər aşağıdakıları əhatə edə bilər: öyrənilən mətnlərin seçimi; texnologiyaların tədrisə tətbiqi; tədris üsulları; konsepsiya və ya mövzunu təsvir etmək üçün istifadə olunan mövzunun seçilməsi; və tapşırıq və layihə mövzuları və təqdimat üsulları. Bu çeviklik müəllimlər tərəfindən oğlan və qızların diqqətini cəlb edən və bütün tələbələrin məşğulluğunu və motivasiyasını maksimum dərəcədə artıran məzmun və təlim metodlarını müzakirə etmək üçün istifadə edilə bilər. 

Nəticələrə əsaslanan kurikulumda məzum etibari ilə pedaqogikaya xüsusi yer ayrılır və vurğulanır ki, müəllimlər şagirdlərinin və onların məktəb icmasına lazım olan ehtiyaclarını ödəmək üçün siniflərdə etdiklərini mütləq kurrikuluma uyğunlaşdırmalıdırlar. Belə ki, araşdırma göstərir ki, aşağı sosial-iqtisadi qruplardan olan oğlanlar üçün böyük problem ondan ibarətdir ki, onlar məktəbə gələndə savadlı ola bilirlər, lakin onlar mütləq bacarıqlara yiyələnə bilmirlər. 

Cənubi Asvtraliya yeni kurikulumun sınaqları zamanı tələbələrin cəlb edilməsində irəliləyişlərin olduğunu və oğlanların müsbət dönüşünü aşkar etdi. Araşdırma diqqətin daha uyğun öyrənmə tapşırıqlarına və məktəbdən kənar dünya ilə daha yaxşı əlaqəyə yönəldilməsini, şagirdin fəallığının və oğlanların öyrənmə prosesinin yaxşılaşdırılması yollarını dəstəkləyir. Bu, mümkün qədər geniş şəkildə tətbiq olunmamış bəzi əsas pedaqoji prinsiplərin müasir dirçəlişi kimi görünür.
Tarixən məktəblərin işi oğlanların aşağı performansı ilə məşğul olmaq, diqqəti siniflərə və risk altında olan tələbələrə yönəltməkdən ibarət olmuşdur. Bu qruplarla üstünlük verilən tədris üsulları çoxdan məlumdur; praktiki, müxtəlif, real həyat tapşırıqları, yaxşı ünsiyyət bacarıqları, yumor, danışıqlar və kiminsə həqiqətən onlara əhəmiyyət verdiyini hiss etdirən müəllimlər.

Təhsil üzrə ekspert Günay Abbasova