Sabah bu yolda təmir bitəcək – AAYDA-dan AÇIQLAMA
Xəbər verdiyimiz kimi, paytaxtın mərkəzi küçələrindən biri təmirə bağlanmışdı. Söhbət Nəsimi rayonu 20 Yanvar dairəsindən Koroğlu metrosu istiqamətində yolötürücünün Ceyhun Səlimov küçəsi ilə kəsişməsindəki yolayrıcından gedir. Ayrılan hissədən birinci tunelin girişinə qədər təmir işləri icra olunur.
Bu səbəbdən sözügedən hissədə dünəndən etibarən avtonəqliyyat vasitələrinin hərəkəti məhdudlaşdırılıb.
Azərbaycan Avtomobil Yolları Dövlət Agentliyindən (AAYDA) Bizim.Media-ya bildirilib ki, aparılan təmir işləri sabah saat 17:00-dək yekunlaşacaq.
Xatırladaq ki, sosial şəbəkələrdə körpünün çökməsi və yolun bu səbəbdən bağlanması iddia edilmişdi. AAYDA isə yayılan məlumatların həqiqətəuyğun olmadığını bildirmişdi.