“Ailələri dağıdan başlıca səbəb budur” - Ekspert
"Boşanma elə prosesdir ki, burada müxtəlif yanaşmalar ola bilər. Bu, daha çox sosial-iqtisadi məsələlərlə bağlı fenomendir. Alkoqolizm, narkomaniya bunların fonunda olan məsələdir".
Bunu Qaynarinfo-ya açıqlamasında ekspert Nail Cəlil deyib. Onun sözlərinə görə, Sosial Tədqiqatlar Mərkəzi sorğunu keçirəndə mütləq bu məqamı nəzərə almalı idi:
"Digər tərəfdən, xarakter uyğunsuzluğu, xəyanət, inamsızlıq və s. daha çox rol oynayan amillər sırasındadır. Bu amillər narkomaniya, zərərli vərdişlərdən, alkoqolizm, siqaret asılığından digər səbəblərdən geri qalan məqam deyil. Təbi ki, burada səbəblərin təsnifatı daha dərindir. Sosial etik dəyərlərin qorunması ilə bağlı sistemli yanaşmalara və müəyyən kompleksli qiymətləndirməyə ehtiyac var”.
