Yanğının Azərbaycanın nəzarətində olan əraziyə keçməsinin qarşısı alınıb

Yanğın gecə saatlarında söndürülüb.

Azərbaycan və Ermənistan qoşunlarının təmas xəttində baş verən yanğın söndürülüb.

Ölkə.Az xəbər verir ki, Ekologiya və Təbii Sərvətlər Nazirliyinin mətbuat xidmətinin rəhbəri İradə İbrahimova bildirib ki, yanğının Azərbaycanın nəzarətində olan əraziyə keçməsinin qarşısı alınıb və yanğın gecə saatlarında söndürülüb. Yanğın neytral ərazidə baş verdiyi üçün nə qədər ərazini əhatə etdiyini müəyyənləşdirmək mümkün olmayıb. 

Qeyd edək ki, iyulun 27-də saat 13 radələrində işğal altındakı Ağdərə rayonunun İncə çay ərazisindəki neytral zonada naməlum səbəbdən meydana gəlib. Yanğının yaxınlıqdakı Goranboyun Yeni Hacıkənd Meşəbəyiliyinin 9 saylı dolayına keçməsinin qarşısının alınması məqsədilə Ekologiya və Təbii Sərvətlər Nazirliyinin yerli qurumlarının əməkdaşları, o cümlədən Fövqəladə Hallar Nazirliyinin canlı qüvvəsi hadisə yerinə cəlb olunub./apa/

Ölkə.Az