Mağazaların müştəriləri aldatma üsulları: Fırıldaqçılıq, yoxsa marketinq hiyləsi? - VİDEO
Hazırda bir çox mağazalarda “endirim” adı ilə insanları aldatmağa çalışırlar.
“Birini al, birini hədiyyə apar”. “İkisini alana üçüncüsü 50 faiz endirimlə verilir”.
Gün ərzində bu və bunun kimi yüzlərlə reklam lövhələrinə rast gəlirik. İstər mağazaların qarşısında, istərsə də sosial şəbəkələrdə belə yazılar kifayət qədərdir.
Ekspertlərin fikrincə, bu yolla müştəri cəlb etmək və satışları artırmaq mümkündür. Lakin bu, sahibkarlara qısamüddətli gəlirlər gətirsə də, mağazalar uzun müddətdə iqtisadi rəqabətə tab gətirməyərək fəaliyyətlərini dayandırırlar.
Qeyd edilib ki, bu yolla müştərini aldatmaq inzibati məsuliyyəti özündə ehtiva edir.
Məsələ ilə bağlı Azad İstehlakçılar Birliyinin sədri Eyyub Hüseynov bildirib ki, bütün endirim kampaniyalarının mahiyyəti müştərini qapıdan içəri salmaqdır:
“Bütün dünyada belədir. Bu zaman istehlakçı hüquqlarının pozulması da baş verir”.
Məlumat üçün qeyd edək ki, bu cür fırıldaqçılıqla qarşılaşan insanlar rəsmi olaraq İqtisadiyyat Nazirliyinə və ya Azad İstehlakçılar Birliyinə müraciət edə bilərlər.
Ətraflı Baku TV-nin süjetində: