İlham Əliyev regionu qütblərarası toqquşmadan qorudu - Deputat

“Qafqaz kimi mürəkkəb regionda, nə qədər gözlənilməz olsa da, artıq sülhün addım səsləri eşidilir. Daha doğrusu qətiyyəti ilə işğala, separatizmə son qoyub Azərbaycanı, tarixinin ən güclü dövlətinə çevirən siyasi iradə, indi də regionda sülhü bərqərar etməkdədir”.

Ölkə.Az xəbər verir ki, bunu deputat Bəhruz Məhərrəmov parlamentdə çıxışı zamanı deyib. 

O əlavə edib ki, Azərbaycanı rəngli inqilabların dağıdıcı təsirindən müdafiə etməyi bacaran cənab İlham Əliyev indi də regionu qütblərarası toqquşma nöqtəsi olmaqdan qorudu:

“Bilirsinzi ki, Qafqaz mürəkkəb tarixi inkişaf yolu keçib, amma etiraf edək ki, tarixinin heç bir dövründə Azərbaycan bu regionun lokomotivi ola bilməyib. Amma, bu gün Heydər Əliyev siyasi kursu regionda yeni dövr başladır. Ona görə də Şərqin, Qərbin, Şimalın, Cənubun təsiri altında yazılmış, bu xalqa xainləri, fərariləri lider kimi sırıyan saxta tarix kitablarını atıb, yeni tarixi yazma vaxtıdır. Daha doğrusu cənab İlham Əliyev artıq bu tarixi yazıb, sadəcə, yazılanı dürüst şəkildə kitaba köçürməyin zamanıdır.

Aydındır ki, Zəfərimizdən doğan yeni reallıq, tələbləri də dəyişib, hədəflərimiz də 3 il əvvəlki hədəflər deyil və 2017-ci ildən start verilən, böyük uğurlara aparan islahatların yeni mərhələsində olduğu kimi, cənab İlham Əliyev bu dəfə də reformu zirvədən başlayır. Bu, əslində, siyasi mədəniyyətin zirvəsi deməkdir.

Çünki bu ölkəyə ən azı son 105 ildə xəyanətkarı da, acizi də, torpaq satanı da, məğlubu, fərarisi də rəhbərlik edib, amma biz ilk dəfədir ki, bütün suveren ərazilərimizi əhatələyəcək seçkilərdə qalib sərkərdəyə səs verəcəyik. Qalibləri seçmək bu xalqın haqqıdır”.

Mürtəza
Ölkə.Az