“Səsvermə günü tələbələr universitetlərdə olmayacaq”
“Səsvermə günü tələbələr universitetlərdə olmayacaq. Tətil günündə tələbələr müxtəlif yerlərə gedə bilərlər. Ona görə tələbələr harada olur- olsun, səs verə bilməlidir”.
“Qafqazinfo” xəbər verir ki, bunu bu gün keçirilən Mərkəzi Seçki Komissiyasının iclasında MSK sədri Məzahir Pənahov deyib.
“Bununla bağlı Emin müəllimlə (elm və təhsil naziri Emin Əmrullayev -red.) görüşmüşük. Siyahını verməyə hazırdılar. Tələbələrin səsverməsi məsələsini dəqiqləşdirməliyik. Tələbələr əgər 6 ay bir evdə kirayə qalırsa, artıq orada səs verə bilər, yox əgər kirayədən çıxırsa, qeydiyyatdan çıxma vəsiqəsi ilə səs verməlidir” - M.Pənahov deyib.
