Daha bir general vəzifəsindən azad olundu?

Xəbər verdiyimiz kimi, bu gün Müdafiə Nazirliyinin bir sıra yüksək vəzifəli hərbçiləri istefaya və ehtiyata göndərilib.

Bizim.Media yazır ki, general-leytenant Heydər Piriyev də tutduğu vəzifəsindən azad olunub.

H.Piriyev Azərbaycan Milli Müdafiə Akademiyasının rektoru vəzifəsini icra edirdi. O, 2022-ci ilin iyun ayında bu vəzifəyə təyin edilmişdi.

Ölkə.Az xatırladır ki, bundan öncə general-leytenant Ənvər Əfəndiyevin ehtiyata buraxıldığı bildirilib.

General-leytenant Hikmət Mirzəyev isə müdafiə nazirinin müavini vəzifəsinə təyin edilib.