Mübariz Aslanov Rusiyanın raketindən necə xilas oldu? - FOTO

Ukraynada gedən müharibəni işıqlandıran azərbaycanlı jurnalist Mübariz Aslanov ölməkdən son anda xilas olub.

Ölkə.Az xəbər verir ki, bu barədə jurnalist özü məlumat verib. O bildirib ki, bir gün əvvəl getmməyi planlaşdırdığı Xarkov şəhəri raket atəşinə tutulub. Jurnalist adı çəkilən ərazidə qalmaq üçün kirayələdiyi evin fotosunu da paylaşıb:

"Ötən gecə ağır raket hücumu Xarkovun Puşkinska küçəsini xarabaya çevirib. Ən maraqlısı isə bir gün tez gəlsəydim, bu küçədə kirayələdiyim evdə atəşə məruz qalacaqdım. Bəxtim gətirdi, çünki dünən səhər yatıb qaldığımdan qatara çatmamışdım".

Qeyd edək ki, Rusiya ordusu tərəfindən ötən gecə Ukraynanın Xarkov şəhərinə növbəti dəfə S-300 kompleksləri ilə ağır raket zərbələri endirilib.

Hücum nəticəsində 4 yaşlı uşaq da daxil olmaqla 9 nəfər yaralanıb.

Həmçinin, ərazidə yaşayış binalarına, mülki infrastruktura və elmi müəssisəyə ziyan dəyib.

Billurə