DİN-dən Tofiq Həsənli ilə bağlı açıqlama

"Əgər Tofiq Həsənli oğurlanıbsa, niyə bununla bağlı polisə müraciət etməyiblər? Öncə dəqiqləşdirin ki, ailəsi polisə müraciət edib, ya yox, sonra sual verin".

Bunu Arqument.Az-a Daxili İşlər Nazirliyinin mətbuat xidmətinin sözçüsü Ehsan Zahidov deyib.

Onun tanınmış satirik şair Tofiq Həsənlinin oktyabrın 13-də axşam saat 21:00 radələrində Bakının Qala kəndində naməlum şəxslər tərəfindən oğurlanması ilə bağlı sorğumuza cavabından belə məlum olub ki, DİN-də bu barədə heç bir məlumat yoxdur.

Qeyd edək ki, Lənkəranda yaşayan tanınmış şair Tofiq Həsənli oktyabrın 13-də axşam saat 21:00 radələrində Bakının Qala kəndində naməlum şəxslər tərəfindən oğurlanıb. Onun hara aparıldığı bəlli deyil. Tofiq Həsənlinin dostları "Facebook"da şairin anasının video müraciətini yayıblar. Həmin müraciətdə bildirilir ki, şairi yazdığı satirik şeirlərə görə oğurlayıblar. Hadisə ilə bağlı 3 gündür ki, mediada məlumatlar yayılır, ancaq hələ də heç bir rəsmi açıqlama verilməyib.

Ölkə.Az