Avropada itkin düşən azərbaycanlı tapıldı - Yenilənib/FOTO
Almaniyada yaşayan azərbaycanlı gənc itkin düşüb.
Bu barədə Ölkə.Az-a Fərzəli Nicat Abbasəli oğlunun yaxınları məlumat verib.
Yaxınlarının dediyinə görə, Essen şəhərində yaşayan Nicat Fərzəli ilə 3 aydır əlaqə saxlamaq mümkün deyil. Qeyd edilib ki, onuna məxsus vatsap nömrəsi bəzən onlayn olsa da, heç bir zəng və mesajlara cavab verilmir.
Məlumata görə, N.Fərzəli Ukraynadan Almaniyaya gedib.
Övladından xəbər ala bilməyən Nicatın anası vəziyyətdən çox narahatdır.
Məsələ ilə əlaqədar Diasporla İş üzrə Dövlət Komitəsinə sorğu ünvanlanıb.
***
Yaxınlarının dediyinə görə, Nicat Fərzəli ilə əlaqə yaratmaq mümkün olub. Onun harada tapılması ilə bağlı isə məlumat verilməyib.
Billurə Yunus
