Qusarda 5 nəfər toyda zəhərləndi

Qusar rayonunun Aşağı Ləgər kəndində 5 nəfər qidadan zəhərlənib.

Ölkə.az APA-ya istinadla xəbər verir ki, hadisə toyda baş verib.

2019-cu il təvəllüdlü Z.Səfərova, 2007-ci il təvəllüdlü S.Səfərova, 1966-cı il təvəllüdlü E.Primov, 2014-cü il təvəllüdlü Ə.Aydazadə və 2011-ci il təvəllüdlü İ. Eyyubov toyda yedikləri qidadan sonra özlərini pis hiss edib, Qusar rayon Mərkəzi Xəstəxanasına müraciət ediblər.

Qida zəhərlənməsi diaqnozu qoyulan şəxslər tibbi yardımdan sonra evə buraxılıb.

Hazırda fakt araşdırılır.