Azərbaycanda bu tələbələrin təhsil kreditinin yarısı bağışlandı - RƏSMİ

"Təhsil tələbə kreditindən yararlanan 6 500-dən çox tələbə məzun olduqdan sonra götürdükləri kreditləri aylıq kiçik məbləğlərlə geri ödəməyə başlayıb".

Ölkə.az Sfera.az-a istinadən xəbər verir ki, bunu Təhsil Tələbə Krediti Fondunun sədri vəzifəsini müvəqqəti icra edən Bəhruz Əzimov bildirib.

“173 tələbənin Ümumi Orta Müvəfəqqiyyət Göstəricisi (ÜOMG) yüksək oduğuna görə, götürdükləri kreditlərin tam yarısı dövlət tərəfindən onlara bağışlanıb. 400-ə yaxın standart TTK almış məzunda isə bu güzəşt 25% təşkil edib. Hesabat dövrü ərzində təhsil göstəriciləri yüksək olan məzunlara bağışlanmış vəsaitin ümumi məbləği təqribən 444 min azn təşkil edib. Bu cür güzəştlər təhsilin keyfiyyətinin artmasına birbaşa təsir edir və tələbələri daha böyük əzmlə çalışmağa sövq edir”.