Prokuror Tovuzda qardaşın bacısını öldürməsi xəbərindən danışdı

Tovuz rayonunun Əyyublu kənd sakini, 1995-ci il təvəllüdlü Məhərrəmova Zülfiyyə Nizami qızının öldürüldüyü barədə məlumat yayılsa da, hələlik hadisə ilə əlaqədar saxlanılan yoxdur.

Bu barədə Ölkə.az-a Tovuz rayonu prokuroru vəzifələrini icra edən Elçin Qəhrəmanov məlumat verib:

"Hadisə ilə bağlı heç kim saxlanılmayıb. Qardaşının saxlanılması barədə yayılan xəbərlər həqiqətə uyğun deyil. Hazırda Zülfiyyə Məhərrəmovanın ailəsinin evindəyik. Hələlik hadisənin hansı zəmində törədildiyini deyə bilmərik".

Xatırladaq ki, ilkin məlumatda Z. Məhərrəmovanın sonuncu dəfə evdə qardaşı, 1999-cu il təvəllüdlü Səmədov Anar Nizami oğlu ilə olduğu qeyd olunsa da, sonradan onun öldürülməsi barədə məlumat yayıldı. Mətbuat isə Zülfiyyənin kiçik qardaşının şübhəli şəxs qismində saxlanıldığını yazırdı.

İntiqam VALEHOĞLU
Ölkə.az