Tovuzdakı səs-küylü cinayətlə bağlı

16 yaşlı oğlan evdəkilərə hansı qadağanı qoyubmuş?

Tovuz rayonunda baş vermiş hadisəylə bağlı daha bir maraqlı məqam üzə çıxıb.

Məlum olub ki, rayonun Əyyublu kənd sakini, 1995-ci il təvəllüdlü Məhərrəmova Zülfiyyə Nizami qızını öldürdüyü ilə bağlı xəbərlər yayılan 16 yaşlı Anar Səmədov evdə sərt qadağalar qoyubmuş. Belə ki, Anar Səmədov evdə hər kəsə mobil telefon işlətmək qadağası qoyubmuş və onun qadağasının pozulacağı halda cəzalandıracağını deyibmiş.

Qeyd edək ki, ilkin məlumatda Z. Məhərrəmovanın sonuncu dəfə evdə qardaşı, 1999-cu il təvəllüdlü Səmədov Anar Nizami oğlu ilə olduğu qeyd olunsa da, sonradan onun öldürülməsi barədə məlumat yayıldı. Mətbuat isə Zülfiyyənin kiçik qardaşının şübhəli şəxs qismində saxlanıldığını yazırdı. Ancaq rayon prokuroru vəzifələrini icra edən Elçin Qəhrəmanov bildirib ki, A.Səmədov saxlanılmayıb.

İntiqam VALEHOĞLU
Ölkə.az