20 Yanvar faciəsi Meksika mətbuatında
20 Yanvar faciəsi haqqında Azərbaycan Respublikasının Meksikadakı və eyni zamanda Peru və Kolumbiyadakı Səfiri İlqar Muxtarovun, Perunun nüfuzlu qəzetlərindən biri olan “El Peruano“ qəzetində “Qara yanvarın xatirəsi”, eləcə də Kolumbiyanın ən tanınmış mətbu orqanlarından biri olan “El Espectador” qəzetində “Azərbaycan müstəqilliyə yol açmış “Qara Yanvar”ı yad edir” sərlövhəli məqalələri dərc edilmişdir.
Azərbaycan Respublikasının Meksika Birləşmiş Ştatlarındakı səfirliyinin verdiyi məlumata görə, “Qara yanvarın xatirəsi” adlı məqalədə 1990-cı il yanvarın 19-dan 20-nə keçən gecə sovet rəhbərliyinin, Mixael Qorbaçovun göstərişi ilə Bakıya qoşun yerdilməsi, müstəqillik tələbi ilə ayağa qalxmış dinc Azərbaycan əhalisinə amansızcasına divan tutulmasından geniş bəhs etmiş, tarixi-siyasi səbəbləri göstərmişdir.
Hər il olduğu kimi “Qara Yanvar”ın 26-cı ildönümündə də faciə qurbanlarının xatirəsinin həm Azərbaycanda, həm bütün dünya azərbaycanlıları tərəfindən ehtiramla yad edildiyini bildirən məqalə müəllifi müstəqilliyə gedən yolun Azərbaycan xalqı üçün əzabsız və qurbanlarsız başa gəlmədiyinə diqqət çəkmişdir.
Bu faciənin hər il yad edilməsinin həm gələcəkdə dünyanın heç bir yerində bu cür faciələrin təkrarlanmaması məqsədinə xidmət etdiyi də məqalədə vurğulamışdır.
“Azərbaycan müstəqilliyə yol açmış “Qara Yanvar”ı yad edir” sərlövhəli məqalədə isə “Qara yanvar”ın 26-cı ildönümü, onun tarixi-siyasi səbəbləri və Azərbaycanın müasir tarixindəki əhəmiyyəti haqqında səfirin fikirlərindən bəhs edir.
Azərbaycan səfiri Sovet İttifaqının birinci katibi Qorbaçovun əmri ilə Bakıya yeridilmiş ordunun dinc əhaliyə divan tutaraq, bununla əslində kommunist rejiminin xilas olmağa və Azərbaycanın müstəqillik hərəkatının qarşısnın almağa cəhdi etdiyini bildirmişdir.Məqalədə 20 yanvarın yalnız faciə və matəm günü olmadığı, eyni zamanda onun Azərbaycanın müstəqiliyyinin bərpası istiqamətində mühüm tarixi hadisə olduğu da göstərilmişdir.
Məqalələr ilə aşağıdakı linklər vasitəsilə tanış olmaq mümkündür:
Peru: //www.elperuano.com.pe/noticia-conmemoracion-del-enero-negro-37489.aspx
