Nazir Adil Kərimlidən ittihamlara cavab: Bu mövqe qəbul edilə bilməz

“Mədəniyyət Nazirliyi üçün kitabxanalar çox önəmli və vacib təsisatdır. Bəzən cəmiyyətdə belə fikirlərlə qarşılaşırıq ki, guya Mədəniyyət Nazirliyi kitabxanaları bağlayır və ya bu sahəyə münasibət soyuqdur. Bu, qətiyyən doğru deyil və belə bir mövqe qəbul edilə bilməz”.

Ölkə.az xəbər verir ki, bunu Milli Məclisdə “Kitabxana sisteminin mövcud vəziyyəti və inkişaf perspektivləri” mövzusunda keçirilən ictimai müzakirələrdə  çıxışı zamanı mədəniyyət naziri Adil Kərimli deyib.

Nazir bildiirb ki, çünki kitabxanalar dövlətimiz üçün prioritet sahələrdən biridir. “Məlumatın əldə olunması və maarifləndirmə fəaliyyətinin təmin edilməsi baxımından onların rolu əvəzsizdir”, - nazir qeyd edib.
Kitbaxanaların gələcəyi ilə bağlı mövqeyini  açıqlayan nazir  bildirib ki, Mədəniyyət Nazirliyinin qarşısında qoyduğu əsas vəzifələrdən biri məhz bu sahədə fəaliyyətin təkmilləşdirilməsidir: “Məqsəd kitabxana sistemini müasir tələblərə uyğunlaşdırmaq, onun fəaliyyətini daha səmərəli, dayanıqlı və yüksək keyfiyyət göstəricilərinə əsaslanan formada təşkil etməkdir.

Bu istiqamətdə hansı işlərin görülməli olduğu, hansı yeni yanaşmaların tətbiq edilməsinin vacibliyi barədə artıq konseptual baxışımız formalaşıb”.

Mürtəza