Azərbaycana 14,6 min manata 1 ədəd qol saatı gətirilib

Cari ilin yanvar-mart aylarında Azərbaycan xarici ölkələrdən qiymətli metaldan korpusu olan 2 263 ədəd digər qol saatı idxal edib.

Ölkə.az Valyuta.az-a istinadən xəbər verir ki, idxal olunan saatların ümumi dəyəri 11,89 min ABŞ dolları təşkil edib.

Belə ki, Çindən 2 232 ədəd qol saatı gətirilib. Bu məhsulların ümumi dəyəri 2,39 min ABŞ dolları olub. Bir ədəd saatın orta qiyməti 1,07 ABŞ dolları və ya 1,82 manat təşkil edib.

İsveçrədən cəmi 1 ədəd qol saatı idxal olunub. Həmin saatın dəyəri 8,6 min ABŞ dolları olub. Bu isə bir saatın qiymətinin təxminən 14 min 620 manata bərabər olduğunu göstərir.

İtaliyadan isə 30 ədəd qol saatı gətirilib. Bu məhsulların ümumi dəyəri 0,9 min ABŞ dolları təşkil edib. Beləliklə, İtaliyadan idxal olunan bir saatın orta qiyməti 30 ABŞ dolları və ya təxminən 51 manat olub.