“Gözəl Zəhram, bilmirəm nə deyim” - Fərhad Mehdiyevdən ürəkdağlayan sözlər

Tanınmış vəkil Fərhad Mehdiyev yol qəzasında ölən qızı Zəhra Mehdizadədən yazıb və valideynlərə çağırış edib.  

Ölkə.az xəbər verir ki, o, sosial şəbəkə hesabında yazıb:

“Gözəl Zəhram. Bilmirəm nə deyim. O bunları oxumur, amma onsuz çox pisəm. Mənə yazıb halımı soruşmayın. Cavab verə bilmirəm”.

F.Mehdiyev valideynləri övladlarının təhlükəli nəqliyyat vasitələri sürməsinə icazə verməməyə çağırıb:

“Uşaqlarınızı və doğmalarınızı byke sürməyə qoymayın. Sevdiklərinizlə daha çox vaxt keçirin. Onları qara torpaq bağrına basmadan, siz bağrınıza basin”.

Qeyd edək ki, F.Mehdiyevin qızı iyunun 16-da Bakı-Sumqayıt yolunda baş verən yol qəzası nəticəsində ölüb. 

Zəhra Mehdizadənin idarə etdiyi motosiklet “Mercedes” markalı avtomobillə toqquşub. Xəsarət alan qızın həyatını xilas etmək mümkün olmayıb.